នាព្រឹកថ្ងៃទី១០ ខែតុលា ឆ្នាំ២០២៦ គណៈប្រតិភូនាយទាហាន និងនាយទាហានរង ក្រោមការដឹកនាំផ្ទាល់របស់ លោក ឧត្តមសេនីយ៍ត្រី នូវ សំអុល បានអញ្ជើញទៅកាន់វត្តសាមគ្គីគិរីស្ទឹងឆាយ ស្ថិតក្នុងឃុំស្ទឹងឆាយ ស្រុកកំពង់សិលា ខេត្តព្រះសីហនុ ដើម្បីចូលរួមក្នុងពិធីបុណ្យកាន់បិណ្ឌវេនទី១៤ យ៉ាងសមស្របតាមប្រពៃណីព្រះពុទ្ធសាសនា។
ក្នុងឱកាសដ៏មានន័យនេះ លោក មេបញ្ជាការ តំបន់ប្រតិបត្តិការសឹក រងខេត្តព្រះសីហនុ ព្រមទាំងសហការី បាននាំយកនូវទេយ្យវត្ថុ និងបច្ច័យប្រគេនជូនដល់ព្រះសង្ឃ ដើម្បីឧទ្ទិសកុសលផលបុណ្យ និងចូលរួមទ្រទ្រង់វិស័យព្រះពុទ្ធសាសនា រួមមាន៖
អង្ករ៖ ១០០ គីឡូក្រាម
ទឹកសុទ្ធ៖ ០២ កេស
មីសណ្តែកកញ្ចប់៖ ០៤ កេស
ត្រីខកំប៉ុង៖ ០៤ យួរ
បាយស៖ ១៣ ប្រអប់
នំខ្មែរ៖ ០៦ គីឡូក្រាម
បច្ច័យបុណ្យសរុប៖ ៣.០៥០.០០០ រៀល
ជាមួយគ្នានោះដែរ លោក ឧត្តមសេនីយ៍ត្រី នូវ សំអុល ក៏បានឧបត្ថម្ភថវិកាចំនួន ១៥០.០០០ រៀល ជូនដល់កម្លាំងប្រជាការពារ ដើម្បីជាការលើកទឹកចិត្ត និងថ្លែងអំណរគុណចំពោះស្មារតីខិតខំប្រឹងប្រែងចូលរួមថែរក្សាសន្តិសុខ សណ្តាប់ធ្នាប់ជូនពលរដ្ឋក្នុងមូលដ្ឋាន។
🙏 សូមអនុមោទនាបុណ្យទាំងអស់គ្នា!
